|
| 
蕉投組 
個個都有架一條錬~ 
我地個小組義工加黃衣人 經過3個月架努力, 經過好多架 training, 一個3日2夜架青苗營終於係15~17/08/2008 完成左啦! 呢個camp 比左我好多架體會, 好多回憶, 好多反思, 好多喜樂係入面. 我開心我能夠成為其中架一位義工去服務一班青少年. 令到佢地搵到人生架目標, 認定自己架價值. 因為呢個camp 收多左6個人架關係, 原本收64個人架camp 依家收左70個人, 而我地個組被分派多2個組員. total 10個人. 都無問題. 但呢10個人當中, 有靜, 有痴墙, 有串, 有耳邊風, 總之咩類型都有! 可能我第一次係薪火做義工, 所以無比較, 但我個組架義工個個之前都有義工架經驗, 所以好down, 因為佢地之前個班仔唔係咁架, 佢地係第一晚架時候喊左出黎, 當然, 我比佢地更早喊! 因為自己好想佢地好, 好想佢地成長, 而做左一日都無咩成果架時候, 所以喊左出黎. 因為有歌架關係, 令到我更加感觸! 我地組叫做蕪投組, 都係班組仔創! 我地4個義工加一個黃衣人都互相扶持, 互相鼓勵先可以搞掂呢10個仔, 先可以撐到3日. 仲有一個game 令我感動架係, 所有人都願意付出佢地手上架燈去比一個小妹妹, 鼓勵佢講出心入面架說話, 因為好多人同佢講左好耐, 69個參加者將啲燈切成一個心型架時候, 佢好感動. 終於都可以打動左佢個心. 令到佢放左係心入面好多年面對架困難講左出黎. 我地40個義工都好感動呀! 因為全部青苗仔女都係所有人面前分享佢地呢幾日架體會同感受! 去到最後一日, 玩左一個game, 令到我好深刻! 因為我好投入, 令到我手掌起左水泡, 仲要係玩左咁耐, 喊左咁耐! 義工連青苗仔女加埋110人都一齊喊, 大家互相鼓勵, 先可以完成呢個game, 我相信無人相信自己可以做到架! 但最後真係可以做到架~ 做完個下, 大家都攬埋一齊, 因為個刻相信, 只要堅持, 咩事都可以解決! 佢地成班仔女走架時候, 我地分左2批人送佢地走! 一批係巴士隔離, 仲要係一邊跳舞, 一邊唱歌咁! 可能個巴士司機見到我地以為我地係傻架! 不過, 我好相信佢地好唔舍得我地! 終於都完左一個camp. 雖然, 無唸過做義工係咁辛苦,但換返黎架野係值得架! 見到佢地個個出camp同入camp架時候都好唔同, 個心都會好甜! 原來, 呢啲甜係好難搵到架, 係好難去令到自己一世難忘! 可惜, Leo無一齊入呢個camp. 我真係好想同佢一齊入呢個camp, 因為可以同佢多一個分享, 多一個體會. 好想同佢體驗到同一樣架野, 而呢樣野係超正架! 不過, 佢都好錫我, 我一出camp架門口, 佢已經係度啦! 仲帶左我去食左一餐好豪架泰國野! 仲要比佢玩左好耐. 個度有人幫佢泊車, 個個人話有啲咩貴重物品請自己攞落車! 之後我咪攞銀包同電話落車囉! 點知坐低左架時候, 佢話我漏左攞野, 我話無呀! 攞晒啦, 佢話你見唔到咩? 我話無呀. 之後佢講左好多野, 想提示我! 但我真係好蠢呀, 講極都唔明! 原來佢買左份禮物送比我, 係一條錬黎架! 佢話我辛苦左幾日, 當係獎勵下我! 超開心, 原來份禮物放左係我前面, 但我一直都無留意! 直到到佢攞左落車, 放左係張台度好耐, 我都睇唔到, 真係好差呀! 咁都睇唔到, 我都唔知自己係咪盲架! 真係好開心呀, 係一條十字架頸錬!  
| | |
| 近來的日子真係好充實! 一邊拍拖節目, 一邊義工節目! 差唔多日日出街, 呢排都少左返屋企食飯...仲比阿爸話我成日出街食飯, 用晒啲錢. 唉...佢講得少少岩啦~ 不過我家用照比, 一毫子都無少, 我用錢唔通都要佢批準! 我知佢想我儲多啲錢jei, 所以阿爸同阿媽鵝完我, 我都無野好講呀! 不過, 岩岩拍拖係咁架啦, 唔通日日係屋企hea咩... 公司就真係零工作量, 好唔想要呢啲日子呀~ 我真係悶到抽晒筋, 日日返工等放工, 返到公司又要用牙簽去撐住對眼, 真係好難頂呀! 呢啲悶架日子要去到8月尾先完, 救命呀~~~ 拍拖個度就好開心呀! 昨晚先同佢屋企人食完飯, 因為佢阿媽生日, 所以佢地成家人, 阿婆, 我, 仲有佢細佬一個朋友一齊食飯! 同佢屋企人食飯真係好 casual. 唔知點解我屋企好似無呢啲野, 好 formal, 好區緊. 比人感覺好難融入! 但我阿爸阿媽又無咩野, 或者都無自信架機會大啲, 所以好怕同啲唔係咁熟架人一齊食飯! 真係吹脹呀~ 所以我成日都串我阿爸架, 話我地唔敢見人, 其實最唔敢見人個個係佢! 講返餐飯先, 我買左條手錬送比美子! 好閃, 因為佢阿媽(美子) 好潮架, 好鍾意啲閃閃發光架野, 所以買左呢條錬, 用個白色好靚架袋仔包住, 我聽 Leo 講話佢阿媽勁鍾意條手錬. 真係超開心, 開頭擔心緊唔知買啲咩類型架飾物比佢, 個日同 Leo 行街又咁岩比我睇到條錬, Leo仲要話幾好呀! 所以就即係扑取, 無唸過係短短個幾鐘時間可以買到份禮物. 佢阿婆又係勁搞笑, 一啲都唔似依家啲老人家, 識得講笑, 識得扮野, 叫個孫仔扶佢, 識得知足, 成日讚 Leo 成家人好孝順. 好識做, 仲好鍾意飲酒, 打牌. 識得自己搵節目, 無節目就訓下晏覺, 飲下茶! 呢個老人家真係好可愛. 不過, 我睇到佢地真係好孝順阿婆! 阿婆昨晚好開心, 佢話食多左好多野呀, 食到好飽! 送佢返到屋企, 佢就即係軟晒, 話好眼訓同埋好攰... 今晚同Leo 入去機場睇戲, 睇 Wall E. 真係幾特別! 無所謂, 有時間大家一齊顛下. 同佢一齊, 無投訴可言, 真係好開心. 間唔中都會大家串下大家咁囉, 不過又串得好開心架喎! 但我覺得成日比佢整古, 佢又超開心整古我. 咁我有時又整古下佢囉, 要有交流先得, 單向式唔正常... | | |
| 27/07/2008 13:00 係順利社區中心有個營前聚會, 主要係比我地班義工同參加者有一個初次的見面. 未開始架時侯, 有少少緊張. 因為唔佢地係點, 唔知佢地架性格係點, 唔知係咪大部份人都係黏墻, 唔知係咪大部份有狂燥症. 好多唔知架可能性, 但我地去到2點架時候, 參加者開始進入會場, 比我地想像中好! 因為9成9人都好樂意去玩, 去睇下我地做緊d 咩野. 今日出架力, 比平時架 training 仲要多10 倍力. 因為每一位義工心目中想要架野, 就係想呢班參加者有好多得著咁離開, 所以每一個都好盡心盡力去做好, 要比佢地睇到好架model . 玩第一個game 架時候, 大家都好似ok接受. 不過, 就有 d 亂同虛撼架情況出現. 到第二個game, 係報紙度搵野出黎架時候, 我地組班義工可能太過抽身, 似係觀察多過參與, 而且又無機會講個答案架時候, 好多參加者都有少少down 架情況. 完左後, 有個 break time, 我地個小組組長同我地講返, 對我地有要求, 下一個game 架時候, 要幫佢地加信心, 唔可以比佢地沉落去, 令到佢地覺得呢個camp 好悶, 係無人去support 佢地! 講完之後, 有 d 壓力! 不過, 我地都要再去做好d! 最後一個game係坦克車, 我地一齊去分工, 一齊去比意見, 有部份參加者之前有玩過, 佢地就比左意見點整, 最後一齊去落手落腳去參與, 成功個一刻係最開心架! 之後仲同另一組人一齊玩tin, 個刻個氣氛真係超好呀! 有d組未完成, 全部人都一齊為佢地打氣. 參加者覺得我地班義工好有 energy. 比佢地個感受同岩岩入黎個一下好唔同! 玩完成個game 後坐低一齊分享返頭先架過程同感受! 參加者表示, 無唸過呢度架人係咁熱情, 無唸過咁快同一班陌生人玩埋一齊, 無唸過咁開心, 出乎意料之外. 我地聽完之後個個都好開心, 因為辛苦咁耐終於都有個成果出黎啦! 我個人都好攰, 但唔可以係班參加者面前表現出黎比佢地見到! 昨日係跳得最多舞架一日, 不停旭, 不停講, 到完架時候, 大家仲圍左一條好長架人墻送班參加者走, 真係好high. 義工們似乎都好滿意大家架表現, 都開心聽到參加者的分享! 係覺得今日同之前架付出係值得架! 今日真係好開心, 我6點走架時候, 以為Leo 會過黎接我之後去食飯tin, 點知佢係灣仔, 比佢2個同事夾住唔比佢走, 要佢同2個同事食飯. 因為 Leo 昨日簽左2架新車, 而佢個2個同事就一架都簽唔到, 所以唔比佢走! 佢有叫我去, 但我真係攰到死, 仲要係由朝早到夜晚都無食過野架關係, 如果我再等到9點先去食飯, 我食死架! 所以就自己返屋企囉… 返到屋企岩岩好開飯, 食完之後就去左沖涼, 沖完涼就同Leo 傾左一陣就訓啦! 由昨晚9點訓到今朝7點45分, 好正, 好耐都未試過訓咁耐啦! 但今朝一起身架時候, 周身骨痛, 可能係昨日跳得勁過頭, 好似好耐無做運動, 突然間做返, 個人就會成身痛, 我手手腳腳, 同埋個肚d肉都痛緊, 今日超唔想返工, 因為返到去都無野做, 又無無聊聊咁過一日, 我唸呢d無聊日子要去到8月尾先會完, 救命呀!!! 我依家好眼訓呀… | | |
| 同Leo先生都有個幾月時間, 我地成日都會攞呢個問題出黎傾. 究竟大家係咪發現得好快呢? 吾…依家再唸又好似唔算, 或者識左佢好耐架關係, 而且大家對上一次架拍拖, 都令到大家知道自己要啲咩野架男女朋友! 所以我地都係覺得大家架情況都係好好架! 同埋, 有邊對情侶岩岩拍拖唔係熱架, pair pair 情侶都會係! 不過, 大家都係好肯定對方係將來個個. 而且好多野都已經攞左出黎傾. 想去邊影結婚相, 去邊渡蜜月, 要條咩款架婚紗, 都有傾過, 當然唔係詳細咁去講啦! So far 到呢一刻為止, 相處得 very good 呀! 不過, 真係好感謝主, 比我認識袮! 因為牠令到我變左, 以前可能好多野都好執著, 唔知邊啲係唔可以做. 依家可能越來越聽得多! 因為唔係好多人可以講咁多例子比自己聽, 教會就講好多呢啲野! 有時大家係度講返以前點點點架時候, 知道對方係好留心去聽, 唔想重複一啲對方唔鍾意架野. 我同佢架性格都有好多相同, 最好架一樣就係聽我講野, 有開心唔開心都好, 佢都會好留心同埋尊重我. 前晚同 Uncle 一齊食飯, 佢話 Leo 係咪一啲精打細算架人? 我話係, 但佢份人又好梳爽! 都幾矛盾. Anyway, 佢係我要搵架人! 願主繼續帶領我同佢一齊行未來架個條路, 亦都希望佢架工作順利啲! 佢今個月未開單, 個人有啲down. 因為香港經濟差左, 啲人窮左, 無咩錢買新車! 唉… 不過, 我會幫佢同 Uncle 祈禱. 請下 Uncle 架近況, 我前晚見到佢都吓左一跳, 因為佢比以前瘦左, 憔悴左, 老左, 無活力左, 無笑容左. 一個攰樣! 我見到佢個下, 好唔開心! 點解會變成咁… 問 Uncle 咩原因佢自己又唔知, 瘦係呢排做運動多左, 但唔係個隻瘦呀! 我問佢係咪其他原因, 佢又話唔係! 之後, 佢同我講左好多佢近排做左啲咩野. 佢又話今晚唔想講咁多野, 比我地講, 但都係佢講左九成. 無所謂, 佢出聲都好過 dead air 呀! Uncle 同我地食完飯, 佢仲有下半場, 真係西利呀! 我真係好想佢早啲返屋企休息下! 唔推人係好, 但朋友出黎見面都想見到一個開心同埋有活力架人! 我真係唔想 Uncle 死頂呀! 食完飯同 Leo 先生係黃埔行左一陣, 去到海旁架時候, 我好想打比 Auntie, 好想同佢講 Uncle 架情況佢知, 好想問 Auntie 知唔知點解 Uncle 點解會咁樣! 個時11點左右, 加拿大應該係朝早8點左右, 咁我就打過去! 可能Uncle 無同 Auntie 提過, 所以 Auntie 又覺得 Uncle 無咩特別, 佢地仲早晚電一電, 好正常呀! Auntie 同我講左一樣好重要架野, 佢話係咪 Uncle 講左好多佢爸爸同埋我阿媽架野比你聽? 我話係呀! 咁可能係 Uncle 太過感性, 唸到依家有個三唔識七架人媚姐都對佢阿爸咁好, 做仔女都未必做得到, 所以佢好感觸! 老婆即係老婆呀, get 到 Uncle 唸啲咩野, 我真係get 唔到! 不過佢一提我就知道係因為呢樣野囉. 同 Auntie 傾左一陣, 就比左Leo 先生同 Auntie 傾. 又傾左一陣, 之後就過左去芝麻綠豆飲糖水! 入面好涷, 好似雪櫃咁! 食左一陣就返屋企啦! | | |
| 岩岩去完台灣, 今次仲要係自遊行! 因為我向來都喜愛跟團, 但今次唔同, 有Leo 先去plan 行程, 我就可以咩都唔理, 剩係負責book 機票同酒店, 其他野都係佢負責. 由於我同事 Doris 介紹左一間agent, 專做香港細旅行社架代理, 機票同酒店都平啲, 所以打去book. 機票又真係幾平, 去4日加埋稅都係$1510, 超抵. 酒店就book 左2晚台北酒店, 一晚溫泉酒店. 加埋晒唔使$2500一個人. good 呀~ 出發當日, 我地去機場攞landing visa, 但點知超多人, 比左passport 佢都仲要等最少半個鐘, 都唔明佢點搞架, 咩資料都已經填晒, 係爭印出黎都要半個鐘, 都唔知香港點搞, 最後, 我地決定走人, 去到台灣先再做過. 由於, 我地係坐中華架關係, 好驚, 所以買重保險囉! 起飛架時候真係用恐怖黎形容, 架飛機好似升下跌下咁, 好唔穩, 而且係個空中又遇上氣流, 搞到部機係咁震, 啲人驚到wii 嘩鬼叫! 我就緊係捉緊肥仔啦, 都幾驚下, 最搞笑架係, 降落架時候, 反而架飛機加速, 真係莫名其妙呀! 去到台北, 去排隊做landing visa, 都唔知幾快, 呢邊遞form, 個邊比錢有得攞啦, 真係快香港十幾萬倍. 呢啲先叫做野架嗎! 攞完行李, 就去左換錢, 機場換真係唔抵呀, 所以我地係香港機場換左$500台幣 係 for landing visa, 係台灣換$500台幣係 for 搭巴士架! 我地今次坐飛狗, 一部車只係可以坐20幾個乘客, 啲位又夠大, 真係好舒服呀, 不過就真係好殘下部車, 勁多香港人! 去到中途, 居然叫我地落車上前面個部公巴, 我地好似比人賣猪仔咁, 但都無辦法, 過到架公巴都不特止, 仲要等埋下一班車先開得, 真係火火地! 大家都好想嘈, 我唸香港人無咩耐性, 如果有一個人出聲, 一定會全部人起控呀! 等左一陣, 後面個班車終於都到左, 我地再坐多15分鐘左右就返到酒店! 我book 左萬事達(重慶店), 酒店近台北車站, 都幾方便同埋新, 間房裝修同 service 都得, 係樓底矮啲! 呢間都係人地介紹先會book, 都$6xx 一晚! 但住得矮, 有啲嘈! 係台灣幾日, 肥仔之前都睇左好多旅遊書, 記熟晒啲地圖! 真係好勁, 唔使睇都識行, 不得不講個服字, 佢地似帶緊我去行街咁, 好似行香港咁熟! 我抗拒自遊行就係怕自己搵, 依家有人帶緊係無問題啦! 我地呢幾日去左 九份, 金瓜石, 摩天輪, 忠烈祠, 總統府, 士林, 西門町, 故宮, 北投, 淡水, 等等…食左好多野, 臭豆腐加泡菜, 小籠包, 永康牛肉麵, 阿宗麵線, 鍋貼, 可樂肉餅, 醉雞, 豆腐平包, 魚旦, 芋圓冰, 佛跳墻, 溫泉蛋, 拉麵, 蚵仔煎, 等等…仲有最好飲架係係金瓜石上面買到架洛神烏梅茶, 超好飲! 可惜佢剩係得杯裝, 我地身上面又只得一個空樽, 如果唔係會買好多好多飲呀! 又平, 個老闆仲送多左比我地tin, 可能同佢好好傾gur… 最難忘架事: 1. 係台灣第一銀行換錢, 個rate 高, 仲要唔使收手續費, 正呀! 2.係台北車站搵左好耐都搵唔到個locker, 太大, 又無指示牌! 3. 係台北車站買台鐵去瑞芳架時候, 睇唔明佢個啲時間表, 因為買飛個啲人講左好耐先講清楚自己係買幾多張大人, 幾多張小童, 幾多張老人家, 排左好耐隊先買到車飛, 跟住佢尾我都火火地, 唔明佢地搞咩搞咁耐! 個啲自動賣票機係無人去買架, 因為唔明佢賣啲咩, 真係好亂, 一啲都唔清晰! 4. 去完九份返台北架時候, 買左最差架個班台鐵, 因為佢最快有車架關係, 焗住要買佢, 站站停, 無位坐不特止, 仲要係人手開門, 玩完一日, 仲要起碼企一個鐘先到, 去到第三個站架時候, 架車停左好耐都唔開, 肥仔又見到對面線有架靚車, 寫住去高雄, 就問開門個個人, 問佢架車去唔去台北車站架, 佢話去! 我地即刻係車上面攞晒啲野走過對面坐車, 上到去, 又無人, 又舒服, 又有位坐, 仲要快左半個鐘返到台北站, 仲要用平2倍架價錢坐到最好架車! 真係好 lucky 呀… 5. 呢4日裡面, 大家了解同認識多左, 亦都係比預期開心, 攞多左野走. 6. 淡水架日落真係好靚呀! 食孔雀蛤, 好味同埋平~ 返到香港, 肥仔細佬同老逗接我地機, 返去觀塘apm 食晚飯, 佢阿媽同我地洗塵, 真係開心呀! 相會遲啲先 post 出黎... | | |
|
